فن العدسة .. منتدى متخصص في التصوير الفوتوغرافي » المنتديات العامة » أنشطة فوتوغرافية

[فيصل عبدالله كندراني]

فيصل عبدالله كندراني و درو جاردنر


فيصل كندراني ودرو جاردنر دورة جولف فوتو بلس

حضرت دورة فوتو جلف بلس في نهايه ابريل الماضي .
بصراحه استمتعت بحضور الدورة وتعرفت بمصورين من دول عديده ومحاضرين اكفاء .
وتقريبا كانت هذي السنه الثالثه علي ما اظن اللي تعقد فيها مثل هذه الدوره
سجلت في اخر لحظه عن طريق الموقع
Website:http://www.gulfphotoplus.com/gppnew/Main.php



لان اغلب الدورات كان تقريبا فول وقاربت على اكتمال العدد المطلوب
الحجز كان في فندق يبعد عن مكان الدوره عشرة دقايق مشي - هوليدي ان اكسبرس


هوليدي ان اكسبرس


واللي شجعني اكثر لحضور الدوره صديقي من البحرين الاخ علي الرفاعي لانه كان حاضر من قبل
عشان اطمن سألته واكد لي الاستفاده من الكورس
وصلت الفندق قبل يوم الدوره
ثاني يوم الصباح الساعه عشره ذهبت الى مكان الكورس وطبعا كان في قريه دبي للمعرفه



جولف فوتو بلس

كان في مكتب للتسجيل واستلام الجدول الخاص بالكورس نفسه
دخلنا قاعه كبيره (مدرج ) وبالطبع عرف المصور والمحاضر درو جاردنر بنفسه



فيصل عبدالله كندراني و درو جاردنر

Website: http://www.drew.it

وتكلم عن اللي راح ناخذه في خلال اربعة ايام
طبعا الكورس كله باللغه الانجليزيه
ومن خلال ملاحظتي ماكان اهناك مصوريين من الخليج حاضريين الكورس وكان في عرب في نفس الكورس تقريبا ثلاثه
وايضا من خلال ملاحظتي للدوره ككل - اقصد الورش كلها - كان عدد المصوريين و المصورات الحاضرين تقريبا ٤ او خمسه واستيطع ان اذكرهم بالاسم
بصراحه اول سبب طرا على بالي اجاده اللغه الانجليزيه والسبب الثاني ان اغلب ربعنا وصلو لمرحله من التصوير تمنعهم من حضور دورات مفيده
قصدي كلهم صاروا اساتذه فشلون الاستاذ يحضر ورشه يمكن حتى مع ناس مبتدئه ؟ ما علينا

تحرك الباص الى استوديو قريب يبعد عن مكان انعقاد الكورس تقريبا عشرين دقيقه
وصلنا الاستوديو وقدم المحاضر عرض برزنتيشن لاعماله اللي حازت على اعجاب الجميع
وتم احضار ثلاث او اربع عارضات كموديل للتصوير (افكار كبيره في تصوير الموضه او الفيشون ) طبعا كان هذا موضوع الكورس
تم الانتقال الى موقع خارجي وتم التصوير فيه وبالاخير انتقلنا الى حديقه عامه والهدف ان احنا نتوزع مجموعات والكل معاه افلاشات استوديو خارجيه





درو جاردنر

















،نحاول انفكر مع بعض اشلون انكون موضوع او زاويه تصلح للتصوير وكان يوم مرهق
اليوم الثاني كان التصوير على شاطى جميره بيوت قديمه ومهجوره وايضا تم التوزيع والكل يختار الاشخاص اللي بتكون معاه
وانقسمنا وبصراحه مجمعتنا كانت افضل لان العدد كان اربعه اما الباقي كانو بالسته او بالخمسه
وبالاخر انتقلنا الى شاطي البحر وايضا كان مطلوب منا ان احنا نوجد موضوع معين والحمد لله قدرنا ان نتميز عن الاخرين - عمل جماعي - طبعا








وكان في يوم لمناقشه الاعمال وايضا للاسئله
يوم الجمعه كان يوم مفتوح للكل والغير مسجلين بالدوره
يعني ممكن اي شخص ايجي من برا ويدفع مبلغ معين بسيط ويحضر الورش المطروحه في نفس اليوم
الي شد انتباهي اثناء الكورس ان في ناس من الجنسين حاضريين الكورس من اخر الدنيا عشان يستفيدون
والموجود بالمنطقه حوالين دبي او اللي فيها ما يحضر ؟
واللي عجبني اكثر وجود بارتيشن للكانون والنيكون ومعرض للابل والكانون ومعدات التصوير

شي واحد ازعجني في الكورس وهو شي بسيط يمكن لان العدد كان كبير وماتم التوزيع كمجموعات اول يوم
ان احيانا ونا اصور الاقي شخص دخل في اطار الصوره وانا جالس اصور
لانه هو بالاساس ماخذ مودل غير ورايح بالخلف يبي يعمل له ستب معين

فسألت درو عن الموضوع نفسه ان في بعض المصوريين مو ملتزم بالتعليمات
فجاوبني وقال
شفت لما اتجيب اقطاوه كثيرين واتهدهم شيصير مياو مياو مياو

[fa6ma.j]

مشالله شـي جميـل الصراحه ..
جانزين يسون جي عندنا بعد ..

[Moi]

تجارب كهذه .. مشبعة بالتعلم و الرغبة في التعرف على المزيد .. جديرة بأن يخوضها الانسان
ولا أهمية للعمر او المكان ..
أن تتعلم الجديد و المزيد أو أن تعيد في ذهنك ومن شخص آخر ما تعرفه مسبقاً .. بمعنى
re-fresh to wt u already have .. أظن أنه امر هام للغاية و يجعلك تدرك أهمية ما تملكه اساساً ..

حقيقة اغبطك عليها و آمل شخصياً أنه احضر وحدة من هاذي الدورات سواء مع اصحابك
أهل الـ Gulf photo او أي جماعة اخرى تنظم مثل هذه الدورات للاستفادة .. يكفي التعرف على
الآخرين و الاستفادة من خبراتهم ..

بالتوفيق بالجاي دايم ان شالله .. :)

[فيصل عبدالله كندراني]

المشاركة الأصلية كتبت بواسطة fa6ma.j

مشالله شـي جميـل الصراحه ..
جانزين يسون جي عندنا بعد ..

شكرا لك
وان شاء الله راح ايصير
عندنا هالشكل

[فيصل عبدالله كندراني]

المشاركة الأصلية كتبت بواسطة Moi

تجارب كهذه .. مشبعة بالتعلم و الرغبة في التعرف على المزيد .. جديرة بأن يخوضها الانسان
ولا أهمية للعمر او المكان ..
أن تتعلم الجديد و المزيد أو أن تعيد في ذهنك ومن شخص آخر ما تعرفه مسبقاً .. بمعنى
re-fresh to wt u already have .. أظن أنه امر هام للغاية و يجعلك تدرك أهمية ما تملكه اساساً ..

حقيقة اغبطك عليها و آمل شخصياً أنه احضر وحدة من هاذي الدورات سواء مع اصحابك
أهل الـ Gulf photo او أي جماعة اخرى تنظم مثل هذه الدورات للاستفادة .. يكفي التعرف على
الآخرين و الاستفادة من خبراتهم ..

بالتوفيق بالجاي دايم ان شالله .. :)

شكرا لك
التعلم لايقف عند حد معين
ولكن من اللي نتعلم منه ؟
من اللي ممكن يفيدنا
واشلون انطلع المعلومه منه
انا احتكيت بناس لا يمكن ان الواحد يطلع منهم بشي
وناس تعطيك كل اللي عندها
الدوره هذي كانت فرصه للتواصل مع ناس لهم خبره وباع طويل
والحمد لله استفدت ولو بشي بسيط
والمجال مفتوح السنه اليايه

والله يوفقك

[بدر القحطاني]

الله يعطيك العافية اخوي فيصل
صراحه ورشه قليل ماتلقى مثلى
وخاصه بالمنطقه... حجم العمل الموجود فيها من خلال الصور
ويشجعك انك تستفيد اكثر من مثل هذه الدورات


بالتوفيــق

[فيصل عبدالله كندراني]

المشاركة الأصلية كتبت بواسطة بدر القحطاني

الله يعطيك العافية اخوي فيصل
صراحه ورشه قليل ماتلقى مثلى
وخاصه بالمنطقه... حجم العمل الموجود فيها من خلال الصور
ويشجعك انك تستفيد اكثر من مثل هذه الدورات


بالتوفيــق

يا هلا اخوي بدر
شكرا لك بالفعل نادر ما تلاقي مثل هالورش تجمع ناس كثيرين من دول كثيره
واهم شي الاستفاده

والف شكر لمرورك

[فاطمة باعظيم]

عن جد جميل الموضوع

هذا ما نحتاجه مزيد من النور


كل التوفيق لك